Tökum þátt í þessum stórskemmtilega viðburði! Stuðið hefst á föstudaginn 11. ágúst kl. 18:00 með samverustund í Laugarneskirkju þar sem í boði verður gefandi fræðslustund og þar á eftir munum við búa til skreytingar til að auðkenna okkur í göngunni. Pizzur verða í boði fyrir þá sem mæta 🙂Allir eru velkomnir og við hvetjum sérstaklega þátttakendur í æskulýðsstarfi kirkjunnar, presta, djákna, æskulýðsleiðtoga og aðra starfsmenn kirkjunnar til þess að mæta.
Laugardaginn 12. ágúst verður safnast saman við Þjóðleikhúsið á Hverfisgötu. Mæting er þar kl. 13:00 en gangan leggur af stað klukkustund síðar. Þá mæta allir auðvitað í litríkum fötum með gleðina að vopni og í ár hvetjum við eins alla sem eiga kross, hvort sem er hálsmen eða annað til að mæta með hann í gönguna.