Landsmót

Í ár er öllum æskulýðsfélögum á landinu stefnt til Selfoss. Þar ætlum við að mála bæinn rauðann með kærleika og gleði, en rauður er einmitt þemalitur mótsins í ár. Dagskráin verður fjölbreytt og skemmtileg og ættu allir að geta fundið eitthvað við sitt hæfi.

Mótið í ár verður með góðgerðarþema líkt og í fyrra.  Við beinum sjónum okkar til Japan og munum við vinna með góðgerðarsamtökum og Hjálparstarfi Kirkjunnar.  Samtökin styðja við börn sem misstu báða foreldra sína í náttúruhamförunum í Japan í vor.  Samtökin styðja þessi börn og hjálpa þeim að vinna úr þessu áfalli, einnig er börnunum gert kleift að sækja sumarbúðir.

Nýjustu fréttir af Landsmóti sem haldið verður á Selfossi dagana 28-30. október 2011.