Aðalfundur ÆSKÞ verður haldinn í Neskirkju 10. febrúar kl 18. Á dagsrká eru venjuleg aðalfundarstörf og kosning í stjórn. Starf ÆSKÞ er fjölbreytt og nær til breiðs aldurshóps, hvetjum við því allar sóknir og félög til að gerast aðilar að ÆSKÞ. Við hvetjum aðildarfélög til að senda sína fulltrúa og taka með virkum hætti þátt í starfi sambandsins.
Boðið er upp á kvöldmat á fundinum
Spurningakeppnin JESÚS LIFIR sem ÆSKÞ hefur skipulagt undanfarin ár í samstarfi við ýmis trúfélög verður haldin 24.-25. mars 2012. Undankeppnin fer fram í Suðurhlíðaskóla og úrslitin í Neskirkju.
Þessi keppni er ætluð börnum í kirkjustarfi á aldrinum 9-12 ára (4. -7. bekk) og er frábær viðbót við hefðbundið TTT- starf í kirkjunni.
Nú í vor var keppnin haldin í Árbæjarkirkju og tóku 12 lið þátt, þar af 6 úr barnastarfi Þjóðkirkjunnar. Er það von okkar að nú muni enn fleiri félög taka þátt.
Námskeið í Borgum, safnaðarheimili Kópavogskirkju þriðjudaginn 15. nóvember kl.19.30. Fyrirlesari er Ólöf Ásta Farestveit, uppeldis- og afbrotafræðingur og forstöðumaður í Barnahúsi.
Námskeiðið fjallar um vanrækslu og ofbeldi gegn börnum og unglingum og hvernig bregðast eigi við slíku. Námskeiðið er í boði Æskulýðssambands Þjóðkirkjunnar og er sérstaklega ætlað þeim sem starfa með börnum og unglingum hvort sem það er innan eða utan kirkjunnar. Námskeiðið á erindi til allra starfsmanna safnaða, barna- og æskulýðsstarfsmanna, presta, djákna, organista og kirkjuvarða.
Léttar kaffiveitingar í boði Kópavogskirkju.
Skráning í s: 661-8485 eða með að senda tölvupóst á aeskth@aeskth.is
Síðasti skráningardagur er mánudagurinn14. nóvember.
Pressuhópurinn tekur viðtal við Júlí Heiðar. Mynd: Bogi Benediktsson
Pressuhópurinn á landsmótinu hitti Júlí Heiðar og spurði hann nokkurra spurninga.
Pressuhópur: Hvert er hlutverk þitt á landsmóti ÆSKÞ?
Júlí Heiðar: „Ég er að kenna hiphop og sýna þeim hvernigá að dansa almennilega.“
P: Er þetta skemmtilegur hópur?
JH: „Þau eru snillingar. Frábær hópur. Standa sig líka vel og eru að ná öllu.“
P: Hvað ertu að kenna þeim í stuttu máli?
JH: „Ég er í raun og veru að kenna þeim svona grunnsporin. Svo kenni ég þeim svona stuttan dans sem er ekkert voðalega efiður.“
P: Gengur vel?
JH: „Já, svakalega vel.
P: Í hverju ertu að vinna núna?
JH: „Ég er að kenna niðri í bæ.“
Karl biskup nefndi landsmótið í útvarpsprédikun sinni í Hallgrímskirkju í dag:
Karl biskup opnaði landsmótið
„Á föstudagskvöldið var naut ég þeirrar gleði að opna Landsmót æskulýðsfélaga kirkjunnar sem haldið er á Selfossi. Það var uppörvandi vonartákn að hitta fyrir þessi fimm hundruð ungmenni af öllu landinu sem þar eru undir forystu dugmikilla presta, djákna og æskulýðsleiðtoga. Þau eru að fræðast um fagnaðarerindið og eflast í lífi í trú og von og kærleika. Á landsmótinu safna þau fjármunum til styrktar börnum og unglingum sem hafa misst foreldra í jarðskjálftunum og fljóðbylgjunni í Japan. Þarna fannst mér ég sjá hið unga Ísland á grundvelli hins gamla, síunga Orðs, sem æ er hið sama: Vegurinn, sannleikurinn og lífið.
