Upplýsingar

//Upplýsingar
Upplýsingar 2018-06-12T18:05:20+00:00

Landsmót ÆSKÞ 2018  

Haldið á Egilsstöðum 26-28. október 2018

Hvernig fer maður á Landsmót? Mikilvægar dagsetningar og skipulagsatriði

Leyfisbréf Landsmót 2018

Verð

Greiða þarf mótsgjald fyrir alla sem taka þátt í mótinu (þátttakendur, leiðtoga, presta, djákna og aðra).

Verð fyrir aðildarfélög ÆSKÞ er 21.900 kr en 24.900 kr fyrir aðra. Þar af er 9.000 króna óafturkræft staðfestingargjald sem greiða þarf við skráningu.

Það eru margar leiðir færar þegar kemur að fjáröflun æskulýðsfélaga v. landsmóts. Hægt er að selja ýmiss konar vörur, safna dósum, vera með Biblíulestrarmaraþon, kökusölur og margt margt fleira. Það er um að gera að byrja strax og þá er þetta komið áður en þið vitið af.

Brottfarar- og komutímar

Allar rútur af höfuðborgarsvæðinu fara frá Digraneskirkju í Kópavogi. Tímasetningar verða auglýstar síðar.

Upplýsingar um brottfarir annars staðar á landinu fást hjá viðkomandi leiðtogum, þegar nær dregur.

Innritun

Við komu á Landsmót þurfa leiðtogar/prestar að byrja á því að innrita sinn hóp. Fyrir brottför prenta þeir út innritunarlista í skráningarkerfinu og merkja við þá þátttakendur sem eru mættir. Við innritun fást afhent armbönd, hálsbönd leiðtoga, vaktaskrár og önnur gögn.

Aldur þátttakenda

Landsmót er fyrir unglinga á aldrinum 13-17 ára (fædda 2001-2005). Leiðtogar skulu hafa náð 18 ára aldri þann 26. október 2018. Ungleiðtogar starfandi í sínum kirkjum geta verið skráðir á mótið sem þátttakendur. Hafi þeir náð 17 ára aldri við upphaf mótsins (26. október 2018) geta þeir fengið armbönd ungleiðtoga. Þeir eru þá ekki með stöðu leiðtoga á mótinu en þeirra leiðtogar geta úthlutað þeim verkefnum innan hópsins.

Gisting

Gist verður í Grunnskólanum á Egilsstöðu. Þátttakendur og leiðtogar þurfa að hafa með sér dýnur. Athugið að tvíbreiðar vindsængur eru ekki leyfilegar nema að tveir sofi á vindsænginni. Vegna fjölda skráninga er nauðsynlegt að nýta plássið vel. Raðað er í stofur eftir hópum og gista piltar og stúlkur í sitt hvorri stofunni.

Matur

Fyrsta máltíðin á mótinu er á föstudagskvöld og því þurfa þátttakendur að kaupa sér mat eða taka með nesti ef langt er að keyra. Matmálstímar verða á Hótel Valaskjálf.

Mikilvægt er að upplýsa landsmótsnefnd um fæðuofnæmi við skráningu þar sem slíkar upplýsingar þurfa að liggja fyrir tímanlega fyrir kokkana.

Ofnæmi

Athugið að þetta mót er algjörlega fisk og hentulaust. Vinsamlegast auglýsið það vel fyrir þátttakendum. (Athugið að margar tegundir af súkkulaði, próteinstykkjum og bakkelsi innihalda hnetur).

Mótsstaður

Dagskrá mótsins fer fram í Íþróttahúsinu, Valaskjálf, Grunnskólanum, Sundlauginn, Egilsstaðakirkju sem og víðsvegar um bæinn.

Skráning

Vefslóð: skraning.aeskth.is

Skráning á mótið fer fram í gegnum rafrænt skráningarkerfi ÆSKÞ.

Skráningu lýkur 5. október 2018.

Allar spurningar er snerta skráningu á Landsmót ÆSKÞ skal senda á netfangið skraning@aeskth.is.

Reglur um fjölda og aldur leiðtoga

Gerð er sú krafa að 1 leiðtogi fylgi hverjum 7 þátttakendum og með hverjum hóp skulu fylgja að lágmarki 2 leiðtogar. Biðjum við leiðtoga að virða þessa reglu. Hægt er að hafa samband við landsmótsstjóra ef æskulýðsfélag er í vandræðum með að manna leiðtogastöður. Leiðtogar verða að vera orðnir 18 ára þannn 26. október 2018 (fæddir 26. október 2000 eða fyrr).

Sjálfboðaliðar

Þeir ungleiðtogar sem eru 17 ára (f. 2001) og því ekki með aldur til að starfa sem leiðtogar á mótinu geta sótt um að vera í sjálfboðaliðahóp landsmóts. Einnig geta leiðtogar sem eru eldri en 17 ára sótt um að vera í þessum hópi ef þeir eru ekki að fara með hóp á landsmót.

Sótt er um þetta rafrænt hér á vefnum og opna umsóknir í byrjun september. Við hvetjum ungleiðtoga af höfuðborgarsvæðinu jafnt sem utan af landi til að sækja um.

Það er mikil vinna sem felst í því að vera sjálfboðaliði á landsmóti. Viðkomandi þarf að búa sig undir mikla vinnu, hjálpa til við uppsetningu á staðnum, þrif og fleira. Ekki komast allir að því einungis er hægt að taka inn 10-15 sjálfboðaliða fyrir hvert mót. Umsóknarfrestur um sjálfboðaliða er til 3. október 2018.

Kröfur um skimun leiðtoga og sjálfboðaliða

ÆSKÞ gerir þá kröfu að allir leiðtogar og sjálfboðaliðar sem koma á landsmót hafi farið í gegnum skimun, þ.e.a.s að búið sé að kanna ákveðin atriði varðandi sakavottorð í samræmi við siðareglur vígðra þjóna og annars starfsfólks þjóðkirkjunnar. Það er á ábyrgð kirkju viðkomandi hóps að slík skimun hafi farið fram.

Samþykki um öflun gagna úr sakaskrá.